貓の碼頭 (1)

近排幾乎只有不愉快事情

 

係時候要探下班治癒系貓咪 

---------------------------------------------------------------------------

 

貓の碼頭係我近期最愛影貓新浦點

 

近近地唔難去，落火車行一段路仔就到

 

托埋包貓糧去都唔算辛苦

 

碼頭貓咪花色有好多種

 

不過以黃色虎紋花貓為最大幫派，佔領咗一大個山頭

 

其他雜色花貓都好可愛

 

我最愛就係一隻塊面上黑下白嘅貓仔

 

幫佢改咗個花名叫 "Batman"

 

之後有機會會介紹俾大家認識

 點解會有隻貓手手? (仲有粉紅枕枕❤)
 



喔 Sorry, 原來係呢位先生...
(同埋你走光嗱...)

貓咪表示：你咪咁鹹濕啦  

餵食中 

被貓圍

 



碼頭啲石完全符合貓體工學設計，貓仔真識嘆~

 



呢度啲貓好多人餵，罐罐乾糧咩都有，貓咪都養到肥肥白白

 



黑斑貓mix黃斑貓

片頭燒到貓都無埋>.<

 



 



連玳瑁貓都有，好型

 



炎炎夏日，貓都特別懶啲

 



霸氣

 



 佢地係咪拍緊廣告?

 

香港‧加油

2014年，香港風雨飄搖

 

一直以黎言論自由、集會自由都係香港最寶貴嘅核心價值

 

由廿三條、每年七一、反國教、直到而家爭取真普選
 

面對愈來愈無能嘅政府，香港人果把怒火就愈燒愈旺

 

一直以黎都好 proud to be 香港人

 

如果我地身處大陸，恐怕未嗌口號已經拉哂去打靶

 

不過愈來愈多流血暴力事件、警民衝突、傳媒被打壓...

 

令我好懷疑香港係咪已經頻臨大陸化嘅邊緣?

 

只希望香港人唔好再分化，唔好俾漁人得利

 

齊心先可以對抗暴政！

 

香港人，Fighting

☂

 

 

金霸王

好懷疑小朋友體內都收埋咗隻叉爆電嘅金霸王

 

永遠都有無限精力

 

玩沙玩水更加係進入瘋狂狀態

 

可憐Auntie我陪3個金霸王玩完之後殘哂

 

☠

 

 

 

 

100

 

終於寫到第100篇Blog！！！

 

砌個Holga x 冒牌 Instagram Poster 送俾大家♥

 

原來寫下寫下都寫左3年幾

 

唔知100篇入面燒左我幾多錢同埋菲林？(唔敢計)

其實仲有幾多滄海遺珠菲林相未post，只怪本人實在太懶

 

希望舊相不停post，新相都陸續有黎

 

雖然時不時會聽到菲林停產、曬相舖執笠等等bad news...

 

不過始終最喜歡都係菲林攝影

 

唔理咁多，襯而家仲有得玩就要盡情玩

 

Enjoy the Moment！☀☀☀

 

  



深涌玩B同樂日

第一次去深涌

 

先發覺原來香港仲有咁大片靚草地！

 

香港要搵草地都唔算難，但一般都會多人到爆 (e.g. 迪欣湖、佐敦谷)

 

可能深涌位置有啲隔涉，當日我地由馬料水搭船到深涌，船期唔多

 

船期請睇 --> 馬料水至塔門船期表

 

上網睇原來都可以o係西貢碼頭搭的士去榕樹澳村

再行入深涌，大約行1個鐘頭就到

 

 有腳骨力嘅可以試試呢個路線！

 

山長水遠入到深涌有咩做？

 

老實講果度除左hea都無咩好做

 

現場見到有人放狗狗 (Cute爆柴犬！)、踩單車、拍拖、影相 (即係我！)

 

強烈建議帶埋BB去，由得佢周圍跑，放電一流

 

BB開心，媽咪放心！^

 

------------------------------------------------------------------------------------------------

 

搭船時遇見狗BB (好似得1,2歲但已經好大隻！)



由碼頭行去草地，沿途有不同層次的綠！



行到入面會見到士多仔同一大片草地
 

 呢個BB同我地玩左好耐！佢爸爸跟o係後面好放心
不過其實姐姐們已失控不停同BB狂影寫真！



BB被波波吸引左埋黎

 

大細B一齊玩



拍攝現場！BB做左o靚模~ 



太可愛啦 (心心)



剛剛認識嘅小朋友已經攬頭攬頸



可愛的勤勤！



笑一個 ^3^



玩到波波漏哂氣都唔捨得放手！

 

      

難離難捨想抱緊些之爸爸騎膊馬
(前面嘅BB：我都好想騎呀...)



三傻跳跳跳 



草，係要黎踩架嘛！



友人偷拍外國o靚仔



型pose


Fo中左部相機only (只怪部機太吸引)



BB扭眼訓之時，亦都係時候返歸





Goodbye~ 下次再玩過！

山系女行 @ 浪茄

 

好日唔郁，我地幾條女有一日痴起條筋，決定去行山

 

仲要係有啲難度嘅浪茄...

 

由於就返大家阿婆般嘅體質

 

我地決定搭的士入去水壩，減少左一大段路程先

 

沿途見到風景好靚，個個都話下次唔搭的士要行入去！(好明顯係吹水)

 

其實由水壩行返去沙灘都唔係太辛苦

 

主要係回程時上斜比較索氣

 

同埋搭車條路好比秋明山道令我好頭暈，最慘係司機仲要不停"了"你傾計

 

不過一到水壩就咩頭暈都無哂事

 

因為風景實在太靚啦，如果夏天去落埋水就仲正！

 

 

 

到達水壩 

 

 幾位同行的中年Yama Girls

 

行行重行行

 

 由山上望落去, 沙灘就係我地嘅目的地

 

 成個沙灘無咩人，我地幾個瞓o係沙度吹水~

 

 發現旁邊有個小樹林

 

甚有拍無線古裝劇嘅感覺

 

 拾級回程

 

 

夕陽無限好