金霸王

好懷疑小朋友體內都收埋咗隻叉爆電嘅金霸王

 

永遠都有無限精力

 

玩沙玩水更加係進入瘋狂狀態

 

可憐Auntie我陪3個金霸王玩完之後殘哂

 

☠

 

 

 

 

100

 

終於寫到第100篇Blog！！！

 

砌個Holga x 冒牌 Instagram Poster 送俾大家♥

 

原來寫下寫下都寫左3年幾

 

唔知100篇入面燒左我幾多錢同埋菲林？(唔敢計)

其實仲有幾多滄海遺珠菲林相未post，只怪本人實在太懶

 

希望舊相不停post，新相都陸續有黎

 

雖然時不時會聽到菲林停產、曬相舖執笠等等bad news...

 

不過始終最喜歡都係菲林攝影

 

唔理咁多，襯而家仲有得玩就要盡情玩

 

Enjoy the Moment！☀☀☀

 

  



深涌玩B同樂日

第一次去深涌

 

先發覺原來香港仲有咁大片靚草地！

 

香港要搵草地都唔算難，但一般都會多人到爆 (e.g. 迪欣湖、佐敦谷)

 

可能深涌位置有啲隔涉，當日我地由馬料水搭船到深涌，船期唔多

 

船期請睇 --> 馬料水至塔門船期表

 

上網睇原來都可以o係西貢碼頭搭的士去榕樹澳村

再行入深涌，大約行1個鐘頭就到

 

 有腳骨力嘅可以試試呢個路線！

 

山長水遠入到深涌有咩做？

 

老實講果度除左hea都無咩好做

 

現場見到有人放狗狗 (Cute爆柴犬！)、踩單車、拍拖、影相 (即係我！)

 

強烈建議帶埋BB去，由得佢周圍跑，放電一流

 

BB開心，媽咪放心！^

 

------------------------------------------------------------------------------------------------

 

搭船時遇見狗BB (好似得1,2歲但已經好大隻！)



由碼頭行去草地，沿途有不同層次的綠！



行到入面會見到士多仔同一大片草地
 

 呢個BB同我地玩左好耐！佢爸爸跟o係後面好放心
不過其實姐姐們已失控不停同BB狂影寫真！



BB被波波吸引左埋黎

 

大細B一齊玩



拍攝現場！BB做左o靚模~ 



太可愛啦 (心心)



剛剛認識嘅小朋友已經攬頭攬頸



可愛的勤勤！



笑一個 ^3^



玩到波波漏哂氣都唔捨得放手！

 

      

難離難捨想抱緊些之爸爸騎膊馬
(前面嘅BB：我都好想騎呀...)



三傻跳跳跳 



草，係要黎踩架嘛！



友人偷拍外國o靚仔



型pose


Fo中左部相機only (只怪部機太吸引)



BB扭眼訓之時，亦都係時候返歸





Goodbye~ 下次再玩過！

山系女行 @ 浪茄

 

好日唔郁，我地幾條女有一日痴起條筋，決定去行山

 

仲要係有啲難度嘅浪茄...

 

由於就返大家阿婆般嘅體質

 

我地決定搭的士入去水壩，減少左一大段路程先

 

沿途見到風景好靚，個個都話下次唔搭的士要行入去！(好明顯係吹水)

 

其實由水壩行返去沙灘都唔係太辛苦

 

主要係回程時上斜比較索氣

 

同埋搭車條路好比秋明山道令我好頭暈，最慘係司機仲要不停"了"你傾計

 

不過一到水壩就咩頭暈都無哂事

 

因為風景實在太靚啦，如果夏天去落埋水就仲正！

 

 

 

到達水壩 

 

 幾位同行的中年Yama Girls

 

行行重行行

 

 由山上望落去, 沙灘就係我地嘅目的地

 

 成個沙灘無咩人，我地幾個瞓o係沙度吹水~

 

 發現旁邊有個小樹林

 

甚有拍無線古裝劇嘅感覺

 

 拾級回程

 

 

夕陽無限好 

貓咪@長洲

這輯是影長洲櫻花時拍的，又花又貓，收獲十分豐富！
 

自從養貓後，貓毒不但没有解除
 

反而好像中毒更深！！！
 

最近喜歡拍拍街貓，也順道餵餵牠們
 

街貓流浪生活不容易，有一餐没一餐的
 

而且壽命大概只有3年
 

有機會踫見貓咪也是彼此的緣份啊
 

讓牠們吃飽飽肚子，給牠們一點愛
 

毛小孩們會感受到的
 

  呢隻花貓成日對住我地喵喵叫

 呢隻貓女超靚!

 差啲想抱走佢返屋企!!!

追住佢黎影! 太可愛啦 ><

 食食食

 草叢中嘅怕醜貓