18日漫遊‧英國蘇格蘭之旅 (7) - 愛丁堡‧蘇格蘭高地篇 Day 1

愛丁堡‧蘇格蘭高地篇 Day 1 - 見證蘇格蘭獨立公投

由約克大約坐2.5小時火車就可以去到愛丁堡
原本打算由倫敦坐火車／飛機直達愛丁堡，但這樣就要多花數小時(及$$) 坐交通工具
如果時間許可的話，建議中途停多1-2個地點，英國好玩的地方有很多呢！

由約克去愛丁堡，我會形容是由Charles Dickens去Harry Potter
約克給人感覺古老一點純樸一點，而愛丁堡則是古舊之餘更多一份華麗氣派
去之前做research聽說愛丁堡被稱為歐洲最漂亮的首府之一
看來真的没有騙人！一下火車就被火車站設計所吸引，菲林燃燒mode啟動~~~♨

通透設計的屋頂，没有一般火車站的陰沉感覺
站外的漂亮建築也可以立即映入眼簾

 



火車站內小食店、便利店超多，坐長途車也不怕肚仔餓

 

一出火車站就聽到蘇格蘭風音樂，原來有樂手在表演呢！！！
完全是連空氣都飄蕩著蘇格蘭味！♩♫ ♬

其實蘇格蘭風笛聲有點令我聯想起《少年警訊》(笑)

不過想像不到原來crossover了電結他與鼓是那麼的match

我們坐在廣場聽到人家要休息才捨得走

臨走時還買了這隊band的CD回家聽！
(我們在英國多數看完街頭表演也會給小費，不是因為不好意思，
而是表演真的太精彩了！拍爛手掌~~~)

 

 

另外大街上有一大幅民主牆，市民可隨意貼上自己的意見

由於拍照當天是公投最後一天，所以舖天蓋地都是YES及NO的標語

(註: YES是贊成獨立，NO是反對獨立)

愛丁堡地形很特別，以皇子街公園為分隔

舊區位於山上，抬頭一望就會看到城堡、古堡等Harry Potter式建築

而山下一路伸延到海岸線則是新區

 



當日剛剛下完雨，山上的城堡都被霧濃罩了，為這個美麗的城市更添『仙氣』

皇子街公園有大量動物朋友，Hello小松鼠~~~

礙於傻瓜相機限制 (但松鼠先生不斷在move)，能拍到不太blur的相已很好了

 

這個咪眼表情太Cute ❤

還有不太怕人的小鳥先生

 

嘴邊有食物喔！

 

在街頭隨意都可以拍到好風景

這是司各特紀念塔 Scott Monument，為記念一個蘇格蘭作家而建

因為石頭中含有瀝青，所以塔看起來黑黑的

記憶中好像是一間大學

完全是英國18世紀的fu

皇家一英里 Royal Mile下面的小街

時間好像在愛丁堡這個地方停頓了
如果把汽車都捽走

你會以為是舊相片嗎？

黑到令立立的狗狗

牠是Bobby

原來這個狗狗雕像背後有著非常動人的故事...

小狗Bobby跟著主人流浪到愛丁堡，怎料最後主人病死了
Bobby自此守護在主人的墓旁
每天找到食物後也不會立即吃，要叼著回到主人墓旁才吃

又曾經遇到意外去到十公里外的地方，Bobby就算受了傷也要跑回主人的墓旁

無論嚴夏寒冬也對主人不離不棄
最後Bobby陪伴在主人的墓14年才去世

這個真人(狗?)真事感動了當地人，更讓牠安葬在教堂的墓地，並立這個碑紀念牠

狗狗真的是人類的好朋友，請不要隨便遺棄牠們！

當地人喜歡在家門口種花

這是蘇格蘭哲學家David Hume的雕像

傳說學生摸了他的腳趾會考試成功

難怪他的腳趾都被摸得閃閃發亮！

我當然也不『執輸』

不太明白Vote with cheap pants的意思

有人 say Yes 當然也有人 say No

不過眼見Yes的標語比較多

有獨派在Edinburgh Castle附近集會

用蠟燭砌了蘇格蘭國旗及加泰隆尼亞國旗

喻意一同努力爭取獨立

也有獨派人員現場訪問

 

老實說去愛丁堡前才知道他們剛巧有獨立公投

有一刻擔心過會不會有暴亂、示威等等情況

不過結果擔心是多餘的

面對政治蘇格蘭人仍保持了一貫優雅的manner

他們用和平的方式表達意見

即使第二天宣佈統派勝出

街上也不見大型示威破壞等行為

足見他們公民質素有多高

 

而我亦十分欣賞蘇政府對人民意見的重視

把投票權交給每一位人民才能體現真正的民主

搞公投亦無疑打了英國一大巴掌

即使最後獨立不成，也迫使英國重視蘇格蘭人民的意見
重新審視對蘇格蘭的政策

 

呼~ 真的有想移民的衝動...

 

 

待續...

 

 

18日漫遊‧英國蘇格蘭之旅 (6) - 約克篇 Day 2

約克篇 Day 2 - 踩踩車吹吹風

 

基本上York地方唔係好大，好多人都會plan one day trip一日行哂

不過我地想唔想太趕，想留耐啲感受一下鄉村嘅悠閒

Stay多一日有咩好做？唔洗諗，有咩好過踩住架單車一邊吹吹風、一邊睇靚景？

York嘅單車徑規劃好完善，上網已經可以搵到好多cycling map

(我喺呢度睇 --> http://www.getcycling.org.uk/)

喺車站隔離已經有單車舖租單車，非常方便呢
 

租單車的shop，就喺York火車站隔離

靚仔哥哥幫我呢個短人班咗架兒童單車俾我...

 

(By iphone) 

 

York有一條好長嘅河 River Ouse 穿過城鎮兩岸

店長suggest我地沿住River Ouse踩，風景好靚

OK！定好路線，出發！

 

 

River Ouse 兩岸景色

 

 呢邊啲紅磚屋仔好有英倫feel

 

沿住條河踩入啲，兩旁屋仔漸漸換成綠油油植物

 



York的學生真好，課外活動可以玩划艇！

(☜代表香港學生表示羨慕)

踩踩吓見到牛牛！Hello~~~

 

好奇嘅牛大哥擔住條草向我眼望望，太可愛❁



 

原來欄外仲有一堆牛牛食草

右二牛大合哥OS: 踩得咁慢架你，咪阻住我地開餐啦！
 

 踩車之餘不忘欣賞身邊嘅小物

一葉一草都係大自然嘅恩賜

 

 踩到後半段，一抬頭就見到一望無際嘅草原

難以形容內心嘅興奮

好想躺下喺草地翻滾！

 

踩車完畢，去next station：約克城堡 Cliffords Tower

  

 好特別嘅圓形小城堡

 

 一見帶點殘舊嘅外牆，就知背後應該有一段黑暗嘅歷史

喺1190年，約克統治者迫害猶太人，於是猶太人逃到Cliffords Tower避難

最後佢地更為咗唔想被對方凌辱，令願自殺

結果喺熊熊烈火下了結自己嘅生命...
 

傳聞Cliffords Tower城牆每一百年會變一次紅色

直至17世紀約克統治者改變態度，邀請猶太人入城居住先停止此奇異現象

有人話係猶太人嘅怨魂作怪云云

但無論鬼故傳聞係真定假都好

希望自古到今人類都有所覺悟，放下種族仇恨停止歧視

 

沿住樓梯可行上城堡頂層 

 

York嘅時間好似停留咗喺Harry Potter年代 

 

十分喜歡呢個懷舊古城 

 

 高高在上，停車場啲車好似變哂模型車仔

 

 

 

 

 

待續...

 

 

 

18日漫遊‧英國蘇格蘭之旅 (5) - 約克篇 Day 1

約克篇 Day 1  - 在古城裡 High High Tea

由倫敦坐2個鐘火車到約克，沿途見到由一座座大廈變成一望無際嘅田園，
究竟約克會係一個點嘅地方呢？

到達York，好喜歡呢種英國小鎮feel！



火車站好懷舊，好有Harry Potter嘅感覺





民宿門口

(由於York係一個古城，好多地面都係用石仔砌出黎，

所以唔好book太遠嘅民宿，唔係推到個行李箱就黎爛...)

好鍾意英國的復古電話亭 (美男子背影都不錯...)

小鎮嘅特色係總會與火車軌好接近



黎到York點可以唔試英國歷史悠久嘅Betty's cafe afternoon tea!!!
啲朱古力非常精緻，scone更加係超好味~♥



連路牌都會加個公仔人像，好有心思



The Shambles

係英國最古老、保存得最好嘅中世紀街道

聽聞以前呢度全部都係肉舖，鋪頭上方仲保留住啲勾用黎吊住啲肉

而家變哂特色手信舖，可惜去到已差不多收哂檔

記住下午5點前好黎啦~

街頭賣poster



 相機舖

黎到最最最最出名嘅旅遊景點: 約克大教堂
約克大教堂係歐洲現存最大嘅中世紀時期教堂

企喺教堂前面睇完全感受到建築物嘅宏偉同氣勢

究竟古時啲人點解咁叻可以起到啲教堂咁靚咁精緻...



教堂內嘅玻璃彩繪



喺教堂旁嘅小公園閒hea，黎到外國就是要relax！



暖暖嘅陽光曬到人懶洋洋



沿路行舊城牆一圈再返民宿



約克市以約克大教堂為中心點，外圍被一條城牆包圍
係羅馬統治英國時期起嘅

而家雖然無軍事用途，但用黎散步睇風景就一流~





 同倫敦大城市截然不同

我更喜歡擁有濃厚古樸風情嘅小鎮

隨便散個步、吹吹風又過一日

難怪外國人都咁識享受人生！

 待續...